افغانستان اسلامی امیرلیگی اداری کمیسیونی ییغیلیشی بولیب اوتدی
کابل، ۲۹ جدی، باختر
باش وزیر نینگ اداری ایشلر بوییچه اورین باسری، مولوی عبدالسلام حنفی باشچیلیگیده، افغانستان اسلامی امیرلیگی اداری کمیسیونی نینگ اعضالری اشتراکیده مذکور کمیسیون ییغیلیشی بولیب اوتدی.
اوشبو ییغیلیشده، تورغندی هرات و نیمروز گذرگاهلریده ییر آلیش قیلیش و باجخانهنی رواجلنتیریش، بیلیم یورتلر و خصوصی عالی تعلیم موسسهلرینینگ کانکور سیناوینی اوتکزیش و عالی تعلیم وزیرلیگیگه تیگیشلی موضوعلر، تخنیکی و متخصص تعلیم ادارهسی و ملی سیناو ادارهسی کبی موضوعلر بوییچه کینگ کولمی صحبت بولیب، بو توغریده کیرهکلی قرارلر قبول قیلیندی.
جلسه اخیری ده، ایری-ایری کمیتهلرگه ایریم آجندا بوییچه تیکشیروو اوتکزیب، نوبتدهگی ییغیلیشده ارایه قیلیشلری بوییچه وظیفهلنتیریلدی.
