اسلام امیرلیگینی قۉللب-قوّتلش و جوزجانده ترقیات

 

شبرغان ۲۹ جدی باختر
جوزجان تومنلری نینگ مینگلب اهالیسی کتّه‌ ییغیلیشده اسلام امیرلیگی تیزیمی، برقرارلیک و مملکتده‌گی ترقیات لایحه‌لرینی عملگه آشیریشنی قۉللب-قوّتلشینی اعلان قیلدی.

باختر اخبارات آژانسیگه خبریگه کۉره‌: بو ییغین آقچه تومنی مرکزیده محلی عملدارلر، علمالر وکیللری و تورلی قبیله‌ آقسقاللری اشتراکیده آقچه، خانقاه، منگجیک، مرديان و فیض‌آباد تومنلریدن بۉلیب اۉتدی.

بو ییغیلیشده قبیله‌ آقسقاللری و خلق وکیللری اسلام امیرلیگی تامانیدن قوش تیپه کانالی، تاپی لایحه‌سی، سالنگ قتناو شاه یولی نینگ تامیرلش، جوزجان تومنلریده برق سب‌استیشن‌لری برپا اېتیش کبی ترقیات لایحه‌لرینی عملگه آشیریشنی شونده‌ی تعریفله‌دیلر. و خلق فراوانلیگی و تورموش طرزینی یخشیلش یۉلیده کتّه‌ قدملر قۉییلدی، بو اولر اسلام امیرلیگی نینگ مملکتده برقرار رواجلنیش و خلق حیاتینی یخشیلش باره‌سیده قطعی قطعيلیگینی افاده‌ اېتگنلیکلریدن دلالت بېره‌دی.

اولر خلق بیرلیگی و هم‌جهتلیگی مهم‌لیگینی تأکیدلب، اسلام امیرلیگی تیزیمینی قۉللب-قوّتلشلرینی اعلان قیلدیلر و بو ترقیات لایحه‌لرینی باشلش و عملگه آشیریشنی افغانستان خلقی اوچون اولوغ نعمت، دېب حسابله‌دیلر.

عینِ پیتده جوزجان ولایتی نینگ محلی رسميلری مملکت بۉیلب ترقیات لایحه‌لرینی عملگه آشیریشنی اسلام امیرلیگی نینگ اساسی اوستوار یۉنه‌لیشلریدن بیری صفتیده تعریفلب، ترقیات لایحه‌لری نه‌فقط اقتصادی و اجتماعی اۉسیش اوچون اساس بۉلیب‌گینه قالمه‌ی، بلکه‌ بو باره‌ده مهم‌ رۉل اۉینا‌شینی تأکیدله‌دیلر.

متصدیلر، شونینگدېک، خلقنی هم‌جهتلیکنی سه‌قلشگه، اوشبو لایحه‌لرنی ینه‌ده یخشیراق عملگه آشیریشگه زمینه یره‌تیش اوچون تیزیم بیلن همکارلیک قیلیشگه چقیردی.
اوشبو ییغیلیش یکونیده آقچه‌ نینگ بېش تومنیده‌گی تورلی اېتنیک گروهلر وکیللری جوزجانده‌گی محلی عملدارلرگه چپن و سلّه‌ هدیه‌ قیلیب، اسلام امیرلیگینی قۉللب-قوّتلشلرینی ینه‌ بیر بار اظهار قیلدیلر.

نمایش بیشتر

نوشته های مشابه

دکمه بازگشت به بالا