ینگی‌لیک/اخباردنیا/جهانTOP

آنروا: رفح دن ۴۵۰ مینگگه یقین آدم مجبوراً کوچیریلدی

 

کابل ۲۵ ثور باختر
فلسطینلیک قاچقینلرگه یاردم بیریش و ایش بیلن تأمینلش آژانسی (آنروا) رفح دن ۴۵۰ مینگگه یقین آدم مجبوراً کوچیریلگنینی خبر قیلماقده.

آنروا اوزی نینگ ایکس صحیفه‌سیده فلسطینلیکلر رفح نی ترک ایتیب، خوفسیزلیک ایزلب قاچیب کیتیشلرینی یازدی.

بو نهاد ۶-می دن بیری رفح دن ۴۵۰ مینگگه یقین آدم مجبوراً کوچیریلگنینی تخمین قیلماقده.

فلسطینلیک کوچیریلگنلرگه یاردم و ایش بیلن تأمینلش آژانسی هم قوشیمچه‌ قیلدی: “آدملر دایمی چرچاق، آچلیک و قورقووگه دوچ کیلیشماقده. هیچ بیر جای خوفسیز ایمس. درحال اوت آچیشنی توخته‌تیش یگانه‌ امیددیر”.

بیراق بو غزه ده‌گی اوروش کوچه‌ییب کیتگنیدن کیین بیر میلیوندن آرتیق فلسطینلیک رفح شهریده باش‌پناه‌ تاپیش اوچون رفح گه بارگن ایدیلر.

شونینگدیک، خلق‌ارا عامه‌وی اخبارات واسطه‌لری؛ رفح شرقیده فلسطینلیک جنگچیلر و صهیونیست باسقینچی کوچلر اورته‌سیده آغیر یوزمه-یوز جنگ بولگنی حقیده خبر بیرگن و خبرلرگه کوره‌، بوگون حماس (القسام) حربی قناتی صهیونیست ریجیمگه تیگیشلی بیر ترانسپورت واسطه‌سی و تانکینی یوق قیلگن. رفح نینگ شرقیده‌گی “شواظ” تیپیده‌گی بومبه‌لر بیلن حماس حی السلام حدودینی نشانگه آلدی و حماس جنگریلری هم رفح اوتیش جایی ایچیده جایلشگن اشغالچی کوچلرنی راکت‌ هجوملریده نشانگه آلگن.

نمایش بیشتر

نوشته های مشابه

دکمه بازگشت به بالا