کابل، ۷ قوس، باختر
آمریکا دولت اداره سی تشقی ایشلر وزیری شو هفته اسرائیلگه ینه تشریف بویوریشینی ایتدی.
آنتونی بلینکن؛ او اسرائیلگه سفریدن تشقری، غربی ساحل و بیرلشگن عرب امیرلیکلریگه هم بارهدی.
حماس و اسرائیل اورتهسیدهگی ینگی ماجرالر آرتیدن بو آمریکا دولت کاتبی نینگ اسرائیل و اورته شرققه تورتینچی تشریفیدیر.
آنتونی بلینکن؛ اورته شرققه سفر قیلیشدن آلدین او ناتو نینگ بروکسیلدهگی قرارگاهیگه تشریف بویوره دی و اورته شرققه سفری چاغیده اسرائیل، فلسطین و بیرلشگن ملتلر تشکیلاتی رسميلری بیلن اسرائیل – حماس ماجراسی همده «غزه کیلهجگی»نی بحث قیلهدی.
آمریکا دولت اداره سی شوندهی دیدی: بلینکن نینگ سفریدن مقصد اسرائیل و حماس اورتهسیدهگی ماجرا ترقهلیشی نینگ آلدینی آلیش اوچون سعی – حرکتلرنی دوام ایتتیریشدیر.
