آمریکاده ینگی یانغین چیقدی؛ بو سفر شمالی لسآنجلس بوشهتیش بۉییچه بویروق اعلان قیلیندی

کابل ۴ دلو باختر
آمریکا نینگ لاس آنجلس شِمالیدهگی تاغلی حدودلرده تېز ترقهلهیاتگن ینگی اۉرمان یانغینلری باشلنیشی بیلن حدوددهگی بیر قطار اهالی یشهش جایلرینی بوشهتیش بۉییچه بویروقلر بېریلدی.
باختر اخبارات آژانسی نینگ خلقارا ییتکیرمهلریگه تهیهنیب خبر بېریشیچه، یانغین منطقهده قوروق آب-هوا و شمال حکمرانلیک قیلیشده دوام اېتهیاتگن بیر پیتده باشلنماقده، بیراق شو هفته آخریده یامغیرلی آب-هوا کوتیلماقده.
یانغین چارشنبه کونی اېرتهلب لاس آنجلس دن ۶۰ کیلومتر شِمالده جایلشگن «کاستِئیک» کۉلی یقینیده باشلنگن و ایکّی ساعت ایچیده ۲۱ کیلومتر میداننی یاندیرگن.
بو آلاو آسمانگه اولکن، قلین توتوننی هم چیقاریب، اۉت اۉچیرووچیلر سوو پورکهیدیگن اوچاقلر یاردمیده یانغین نینگ ۱۸ مینگ اهالی استقامت قیلووچی کاستِئیک شهریدهگی تورر-جایلرگه ترقهلیشی نینگ آلدینی آلیشگه حرکت قیلماقده. و شمال پنجشنبهگچه دوام اېتیشی کوتیلماقده.
بو کوچلی شماللر لاس آنجلسدهگی بیر نېچه اۉرمان یانغینلری تېز کوچهییب، ۲۸ کیشی نینگ حیاتیگه ضامن بۉلگن و مینگلب انشااتلرنی ویران قیلگنیدن ایکّی هفته اۉتیب صادر بۉلدی. اۉشه پیتده باشلنگن ایکّیته ییریک یانغین حلی هم تۉلیق برطرف اېتیلمهگن.