کابل(بی این اے) امارت اسلامیہ افغانستان کے اعلیٰ حکام اور پرائیویٹ سیکٹر کے نمائندوں کی موجودگی میں آج کابل میں 20 ملین ڈالر سے زائد کی سرمایہ کاری سے "لائف پرل” کے نام سے ایک بڑی دوا ساز فیکٹری کا افتتاح کیا گیا۔
اس حوالے سے منعقدہ تقریب میں نائب وزیر اعظم برائے اقتصادی امور ملا عبدالغنی برادر نے مینوفیکچرنگ فیکٹریوں کے حکام سے کہا کہ وہ ملکی ضروریات کو مدنظر رکھتے ہوئے بین الاقوامی معیار کے مطابق اعلیٰ معیار کی ادویات تیار کریں۔
انہوں نے امید ظاہر کی کہ مذکورہ فیکٹری شہریوں کی صحت کی حالت کو بہتر بنانے اور ملک کی معاشی ترقی میں موثر کردار ادا کریں گی۔
نائب وزیراعظم ملا عبدالغنی برادر آخوند نے مزید کہا کہ اس دوا ساز کارخانے کے کھلنے سے ادویات تک لوگوں کی رسائی وسیع ہو رہی ہے اور ادویات کی ضروریات کو ملکی پیداوار سے پورا کیا جا سکتا ہے ۔
وزیر اقتصادیات قاری دین محمد حنیف نے تقریب سے خطاب کرتے ہوئے کہا کہ گزشتہ 20 سال کے دوران افغانستان میں تعمیر نو کے نام پر تقریباً 144 ارب ڈالر خرچ کیے گئے ہیں۔ لیکن کسی بھی حصے میں انفراسٹرکچر کا کوئی کام نہیں ہوا۔
انہوں نے مزید کہا کہ امارت اسلامیہ کی آمد کے ساتھ غیر ملکی امداد بند ہونے کے باوجود؛ افغانوں کے اثاثے منجمد کر دیے گئے ہیں اور بینکنگ سسٹم پر سخت پابندیاں لگا دی گئی ہیں۔ تاہم امارت اسلامیہ کو مختلف شعبوں میں نمایاں کامیابیاں حاصل اور ہر روز ملک میں اہم پراجیکٹس نافذ کیے جارہے ہیں۔
اس موقع پر وزیر صحت عامہ مولوی نور جلال جلالی نے صحت کو سب سے اہم انسانی ضرورت قرار دیتے ہوئے سرمایہ کاروں اور صنعت کاروں سے کہا کہ وہ مختلف شعبوں خصوصاً صحت کے شعبے میں سرمایہ کاری کریں اور ملک اور اس کے شہریوں کے تئیں اپنی ذمہ داریاں پوری کریں۔
نائب وزیرصحت ڈاکٹر عبدالباری عمر نے "Life Pearl” فیکٹری کے افتتاحی تقریب میں کہا کہ اس وقت افغانستان میں 77 دوا ساز فیکٹریاں فعال اور ملکی پیداوار کی شرح 25 فیصد تک پہنچ چکی ہے۔ جبکہ سابقہ حکومت کے دور میں یہ رقم صرف پانچ فیصد تھی۔
واضح رہے کہ "لائف پرل” فیکٹری میں 20 ملین ڈالر سے زیادہ کی سرمایہ کاری کی گئی ہے جس میں تقریباً 300 افراد کو روزگار فراہم کیا گیا ہے۔
