وزیر خارجہ مولوی امیر خان متقی سے بھارت کے خصوصی نمائندے مسٹر جے پی سنگھ کی ملاقات

کابل (بی این اے) افغان وزیر خارجہ مولوی امیر خان متقی سے بھارت کے خصوصی نمائندے مسٹر جے پی سنگھ نے ملاقات کی۔

ملاقات میں دونوں فریق نے افغانستان اور بھارت کے درمیان سیاسی اور اقتصادی تعلقات اور لوگوں کی نقل و حرکت پر تبادلہ خیال کیا۔

وزیر خارجہ نے کہا کہ امید ہے کہ دونوں ممالک کے درمیان کئی شعبوں میں تعلقات بہتر ہوں گے۔

مولوی امیر خان متقی نے اس بات پر زور دیا کہ تجارتی تعلقات کے فروغ کے لیے افغان شہریوں بالخصوص تاجروں کو بھارتی ویزے کی اجرا کی سہولیات میں اضافہ کیا جائے گا۔

علاوہ ازیں وزیر خارجہ نے افغانستان کے لیے ہندوستان کے انسانی امداد کا شکریہ ادا کیا اور ترقیاتی شعبے میں ہندوستان کے وعدوں کو امید افزا قرار دیا۔

مسٹر جے پی سنگھ نے اپنی گفتگو میں کہا کہ افغانستان کے ساتھ تعلقات ان کے ملک کے لیے اہم ہیں اور دونوں ممالک کے تعلقات کی ایک قدیم تاریخ ہے۔

بھارت کے خصوصی نمائندے نے کہا کہ افغانوں کو انسانی امداد کے ساتھ ساتھ انہوں نے ملک کو ترقیاتی امداد بھی شروع کر دی ہے اور وہ متعلقہ افغان اداروں کے ساتھ تکنیکی بات چیت میں مصروف ہیں۔

مسٹر جے پی سنگھ نے اس بات پر زور دیا کہ دونوں ممالک کے درمیان تعلقات کی ترقی ضروری ہے اور مزید کہا کہ مستقبل قریب میں خطے کے ممالک، افغانستان اور ہندوستان کے تکنیکی وفود کے درمیان چابہار بندرگاہ کے بارے میں بات چیت ہوگی۔

انہوں نے یہ بھی وعدہ کیا کہ افغانوں کے لیے ہندوستانی ویزوں کی سہولیات میں اضافہ کیا جائے گا۔