نیشنل اسٹینڈرڈ ادارے کی غیر معیاری تیل کے 60 ٹینکرز کی واپسی کی تصدیق

کابل(بی این اے) نیشنل اسٹینڈرڈ ادارے کے حکام کا کہنا ہے کہ گذشتہ ایک ہفتے کے دوران انہوں نے ملک کے مختلف کسٹمز سے غیرمعیاری تیل کے 60 ٹینکرز ایران کو واپس کردیے ہیں۔

مذکورہ محکمے کے حکام کا کہنا ہے کہ یہ تیل فراہ ابو نصر، صوبہ نیمروز اور بلخ کے حیرتان پورٹ سے واپس کیا گیا تھا۔

رپورٹ میں مزید کہا گیا ہے کہ حال ہی میں نیشنل اسٹینڈرڈز ادارے نے غیرمعیاری تیل کی درآمد روکنے کے لیے عملی اقدامات کیے ہیں۔

اس ادارے نے تمام تاجروں سے درخواست کی ہے کہ وہ ملک میں معیاری اشیاء درآمد کریں، بصورت دیگر انہیں اسی قانونی کارروائی کا سامنا کرنا پڑے گا۔