نائب وزیراعظم مولوی عبدالکبیر سے چیمبر آف کامرس اینڈ انویسٹمنٹ کے سربراہ کی ملاقات

کابل (بی این اے) امارت اسلامیہ افغانستان کے نائب وزیراعظم برائے سیاسی امور مولوی عبدالکبیر سے آج افغانستان چیمبر آف کامرس اینڈ انویسٹمنٹ کے سربراہ محمد یونس مومند اور متعدد قومی تاجروں نے ملاقات کی۔

ملاقات میں آئے ہوئے قومی تاجروں کا کہنا تھا کہ افغانستان کے موجودہ حالات اس پروپیگنڈے سے مختلف ہیں جس کے بارے میں میڈیا منفی پروپیگنڈہ کررہا ہے ۔
ان کا کہنا تھا کہ امارت اسلامیہ کی حاکمیت کے ساتھ افغانستان کے نجی شعبے نے ترقی کی ہے اور ملک میں صنعت اور سرمایہ کاری میں اضافہ ہوا ہے۔
تاجروں نے مزید کہا کہ سرمایہ کار امارت اسلامیہ کے ساتھ تعاون کر رہے ہیں اور اس حکومت کو مضبوط بنانے کے لیے کام کر رہے ہیں۔
مولوی عبدالکبیر نے قومی تاجروں سے ملاقات پر خوشی کا اظہار کیا اور ملک میں سرمایہ کاری کرنے اور مشکل حالات میں افغانوں کو تنہا نہ چھوڑنے پر ان کا اور تمام تاجروں کا شکریہ ادا کیا۔
نائب وزیراعظم نے انہیں یقین دلایا کہ امارت اسلامیہ ان کے ساتھ کھڑی ہے اور ان کے ساتھ ہر طرح سے تعاون کرنے کو تیار ہے۔