کابل( بی این اے ) قندھار کے محکمہ اطلاعات و ثقافت کے حکام نے میوزیم کی نئی عمارت کی تزئین و آرائش کے پہلے مرحلے کی تکمیل کرلی ہے۔
قندھار کے ڈائریکٹر اطلاعات و ثقافت مولوی انعام اللہ سمنگانی نے باختر نیوز کے رپورٹر کو بتایا کہ میوزیم کی نئی عمارت کی تزئین و آرائش کا پہلا مرحلہ جس میں عمارت کی پینٹنگ، عمارت کے دروازے اور پلستر کا کام مکمل ہو گیا ہے جبکہ جلد ہی دوسرے مرحلے میں اس نئی عمارت کی دیواروں کی پینٹنگ اور صفائی کی جائے گی۔ اور بعد میں تاریخی نوادرات اور میوزیم کو پرانی جگہ سے نئی جگہ منتقل کیا جائے گا۔
یاد رہے کہ مذکورہ میوزیم کی نئی عمارت کی تزئین و آرائش وزارت اطلاعات و ثقافت اور ثقافتی ورثہ کے تحفظ اور تحقیقی ادارے CHACRI نے کی ۔ اس کا آغاز چند ماہ قبل محکمہ اطلاعات و ثقافت کے زیر انتظام کیا گیا تھا۔
