کابل (بی این اے ) وزارت پانی و توانائی کے مطابق صوبہ تخار میں 4 کینالوں کی مضبوطی اور بحالی کا کام شروع کردیاگیا ہے۔
وزارت نے ایک پریس ریلیز میں کہا ہے کہ صوبہ تخار کے صدر مقام تالقان اور فرخار اضلاع میں شاہ روان، گاومالی، ملک ہائے خطایان اور لجدہ کینالوں کا تعمیراتی کام 3 لاکھ 84 ہزار ڈالر کی لاگت سے تالقان کینال ڈیپارٹمنٹ کے سربراہ سراج الدین وہاج، قبائلی رہنماؤں اور مقامی باشندوں کی موجودگی میں شروع ہوا۔
پریس ریلیز میں یہ بھی کہا گیا کہ یہ منصوبہ 11 ماہ میں مکمل ہو جائے گا جس سے 55 ایکڑ اراضی سیراب ہو گی۔
