کابل، د لړم ۲۷مه، باختر
د افغانستان اوسپنې پټلۍ اداره وايي، چې تېره اوونۍ ( د لړم له ۱۹ مې تر ۲۵ مې) نېټې د اوسپنې پټلۍ له لارې ۵۱ زره ۲۵۲ مټریک ټنه انتقالات شوي دي.
دغه ادارې په یوه خبرپاڼه کې ویلي، چې تېره اوونۍ د حیرتانو بندر لارې ۳۲ زره ۷۶۷ مټریک ټنه، د آقینې بندر له لارې ۱۶۰۶ مټریک ټنه او همدارنګه د تورغونډۍ بندر له لارې ۱۶ زره ۸۷۹ مټریک ټنه انتقالات شوي، چې په ټولیزه توګه ۵۱ زره ۲۵۲ مټریک ټنه انتقالات کېږي.
د یادونې وړ ده، چې یادې ادارې وړمه اوونۍ هم د افغانستان اوسپنې پټلۍ له لارې د نږدې ۷۵ زره مټریک ټنو د انتقالاتو خبر ورکړی و.
