خبرونهامنیت

۵ ولایتونو کې د نشه یي توکو د قاچاق او پلور په تور ۱۷تنه نیول شوي دي

کابل، د لېندۍ ۱۹مه، باختر

کورنیو چارو وزارت وايي چې د نشه يي توکو سره د مبارزې پولیسو د هېواد په پنځو ولایتونو کې د نشه يي توکو د تولید یوه کارخونه کشف او د قاچاق او پلور په تور یې ۱۷ تنه نیول شوي دي.

دغه وزارت ویلي چې ۱۰ تنه د څه باندې ۶ کیلو چرسو او یوه اندازه نشه یي توکو په تړاو په کابل، دوه تنه له ۵ کیلو چرسو سره په فراه، دوه تنه په بدخشان او دوه په نیمروز ولایت کې نیول شوي دي.

ورته مهال، یادو منسوبینو د نشه یي توکو یوه کارخونه له ۲ زره ۳۸۰ اومانو سره په بادغیس او یوه کارخونه په فراه ولایت کې له ۲۵۰۰ کیلو مانو سره موندلې او سوځولې ده.

نور ښکاره کړئ

اړونده مقالې

بیرته پورته تڼۍ ته