خبرونهنړۍ

۲۴ ساعتونو کې ۳۱۰ شهیدان؛ غزه کې انساني تلفات نږدې شل زره تنو ته رسېدلي

نړۍ، د لېندۍ ۱۸ مه، بهرنۍ رسنۍ

په داسې حال کې چې غزه کې نن شنبې د روانې جګړې ۶۴ مه ورځ ده، اسرایلي ځواکونو د دغې تړانګې په بېلابېلو سیمو کې سختې بمبارۍ کړي او په تېرو ۲۴ ساعتونو کې یې شاوخوا ۳۱۰ تنه فلسطینیان شهیدان کړي او سلګونه نور یې ټپیان کړي دي.

دغه بریدونه تر ډېره د غزې په سویل کې د خان یونس په ښارګوټي او د کډوالو پر ځینو پنډغالو ترسره شوي دي.

ملګري ملتونه او نور مرستندویه سازمانونه وایي غزه د برېښنا او د خوراکي او غیر خوراکي توکو له سخت کمښت سره مخ دي او ډېری بې ځایه شویو ملکي غزه والو د ملګرو ملتونو په ښوونځیو او نورو داسې ودانیو کې پناه اخیستې، چې ګمان کېږي د اسرایلو له مرګونو بریدونو څخه په امان دي.

د یادونې وړ ده، چې اوس مهال په روانه جګړه کې د ټولو انساني تلفاتو شمېر شاوخوا شل زره کسانو ته رسېدلی، چې ۱۷ زره ۵۰۰ یې فلسطینیان، شاوخوا ۱۵۰۰ اسرایلیان او ځینې نور یې د لبنان په ګدون د نړۍ د نورو هېوادونو اوسېدونکي دي.

 

نور ښکاره کړئ

اړونده مقالې

بیرته پورته تڼۍ ته