نړۍ، د وږي ۱۸مه، بهرنۍ رسنۍ
د یمن حوثي وسلوالو نن یکشنبې ادعا کړې، چې د امریکا اېم کیو۹ یو بې پیلوټه الوتکه چې میلیونونه ډالر ارزښت لري، هغه وخت راغورځولې، چې د دوی تر کنترول لاندې سیمه کې د الوتنې په حال کې وه.
امریکا په دې اړه څه ندي ویلي، خو له انګلستان سره په ګډه یې پر حوثي وسلوالو د تازه بریدونو خبر ورکړی دی.
د یمن په خاوره کې دننه او دغه راز سور سمندرګي کې د حوثي وسلوالو او د امریکا په مشرۍ د لویدیځ ائتلاف ترمنځ تاوتریوخوالی وروسته له هغې زور واخیست، چې امریکا او ځینو نورو لویدیځو هېوادونو د ملکي فلسطینیانو د شهیدانولو لپاره اسرایلو سره مرسته وکړه.
غزه کې د روانې جګړې له پیل راهیسې دواړه لوریو ترمنځ وخت ناوخت، توغندیز، ډرون او هوایي بریدونه تبادله کیږي، چې درانه زیانونه له ځان سره لري.
