کابل، د زمري ۱۶ مه، باختر
د کونړ د بدني روزنې او سپورټ آمریت مسوولینو د یاد ولایت په مرکز اسعداباد کې د کرېکټ د پیل شویو سیالو د پای خبر ورکړی دی.
د یاد ولایت د بدني روزنې او سپورټ آمر انعام الحق صافي د باخترآژانس خبریال ته ویلي، چې په دغو سیالیو کې ۲۲ لوبډلو برخه اخېستې وه، چې پایلوبې ته د کرهالې شاهین او اندوراجو پاچا لوبډلو لار موندلې وه.
کرهالې شاهین لوبډلې په لومړۍ پاڼۍ کې سیالې لوبډلې ته په ټاکلو شپږو اورونو کې د ۱۴۳ منډو هدف وټاکه، خو مقابلې لوبډلې د ۵ لوبغاړو په سوځېدو ۱۲۰ منډې جوړې کړې او د ۲۳ منډو په توپیر یې ماته وخوړه.
د یادو سیالی موخه ځوانان ورزش ته هڅول ښودل شوي دي.
