کابل/ باختر/ دکب دمياشتې اتمه
په خوست کې د کتاب لوستلو د دود د رواجولو او بهرنیو هېوادونو ته د ځوانانو د قاچاق او مخنیوي په موخه د عامه پوهاوي غونډه و شوه.
هغه غونډه چې له همدې امله جوړه شوې وه ، د خوست ولايت د اطلاعاتو او فرهنګ ريیس محمد امین شاه الفت وویل: ځوانان دې د کتاب لوستلو دود ته پراختيا ورکړي، ترڅو د علم په ګڼه سمبال او شته ستونزې له منځه یوړل شي.
ده دغه راز له ځوانانوڅخه هيله وکړه چې د بهرنیو هېوادونو د قاچاق او مخنیوي په برخه کې وګړي د قاچاق څخه را وګرځوي، ځکه چې قاچاق تل بدې پایلې لرلې او تل مو د دې له امله ځوانې هستې له لاسه ورکړې دي .
د چنار د خصوصي ښوونځي استاد بشر وويل: کوښښ دې وشي چې هر ځوان په ټولنه کې مطالعې او کتاب لوستلو ته وخت ورکړي او خپل وخت په کتاب لوستلو او مطالعه تیر کړي.
