کاپيسا کې دوو کورنیو له ۱۳ کلونو شخړې وروسته روغه وکړه
کابل، د غوایی ۱۶ مه، باختر
د کاپیسا په کوهبند ولسوالۍ کې د دوو کورنیو ترمنځ ۱۳ کلنه دښمني د دغه ولایت د امنیې قوماندان، د عالمانو شورا غړي او د قومونو او قبایلو چارو ریاست د مسوولینو په منځګړیتوب حل شوه.
د یاد ولایت د امنیې قومندان محمد عثمان ترابي باختر آژانس ته وویل چې د کوهبند ولسوالۍ د تربت په سیمه کې د دوو کورنیو ترمنځ رامنځته شوې ۱۳ کلنه دښمني په ترڅ کې له دواړو لورو څخه ۴ تنه وژل شوي وو چې د قومي مخورو او مشرانو او د قومونو او قبایلو چارو ریاست مسوولینو په منځګړیتوب د یادو کورنیو ترمنځ روغه روغه وشوه.
د یادونې وړ ده، چې د اسلامي امارت په راتګ سره د هېواد په ګوټ ګوټ کې لسګونه د قومونو او کورنیو ترمنځ رامنځته شوې دښمنۍ ختمې شوې دي.
