خبرونهامنیتټولنهTOP

کابل ښار کې د امنیت د لا ټینګښت په موخه په مهمو ځایونو کې امنیتي کامرې ولګول شوې

کابل، د سلواغې ۲۵مه، باختر

د کورنیو چارو وزارت د امنیت د لا ټینګښت په موخه د پلازمېنې کابل ښار په بېلا بېلو مهمو ځایونو کې د امنیتي کامرو د لګولو خبر ورکړی دی.

د یاد وزارت ویاند مفتي عبدالمتین قانع پر خپله اکس پاڼه ليکلي، چې د کورنیو چارو وزارت د تامیناتي چارو معینیت په سپارښتنه د امنیتي څار په موخه د کابل ښار د ۱۵مې حوزې په بېلا بېلو برخو کې ۱۵ امنیتي کامرې فعالې او د څار له مرکزي دفتر سره وصل شوې.

سرچینې زیاته کړې، چې په پلازمېنه کې د امنیتي کامرو د لګولو لړۍ روانه ده او په پام کې ده، چې د امنیتي څار په موخه په څلور لارو او د ښار په مهمو نقطو کې امنیتي کامرې ولګول شي.

قانع همدارنګه ليکلي، چې یادې کامرې د کورنیو چارو وزارت د پنځه کلن ستراتېژیک پلان برخه ده.

باید وویل شي، چې تر دې وړاندې د ښار په مهمو ځایونو کې د کامرولو لګولو لړۍ د ښاریانو له تود هرکلي سره مخ شوې وه.

نور ښکاره کړئ

اړونده مقالې

بیرته پورته تڼۍ ته