کابل ته څېرمه پنځه ډاراچوونکي ووژل شول
کابل / د چنګاښ ۴ / باختر
د ملي امنیت ځواکونو کابل ته څېرمه د ۵ ډاراچوونکو د وژل کېدو خبرورکړی دی.
د ملي امنیت ځانګړې قطعې ځواکونواعلام کړی دی چې ددغې قطعې ځواکونو په هغه عملیاتو کې چې تېره شپه د کابل د ده سبزولسوالۍ په ده یحیی کلي کې ترسره کړل ، ۵ تروریستان ووژل او ۲ تنه نور ټپیان کړل .
په دې اړه نورجزییات نه دی ورکړل شوى.
ده سبز د کابل له هغو ولسواليوڅخه دى چې وسله وال مخالفین پکې شتون لري.
