کابل باختر د ثور اتلسمه :
دهيواد دنوميالي شاعر استادخليل الله خليلي ديوسلو لسمې کاليزې په مناسبت ستره ادبي غونډه په بلخ ولايت کې جوړه شوه .
په دې غونډه کې په سلګونو تنو شاعرانو ليکوالانو څيړونکو او دپښتو او فارسي ژبو منتقيدونو او يوشمير حکومتي مسوولينو ګډون کړي و .
داطلاعاتو او فرهنګ وزير ډاکتر سيد مخدوم رهين په دې غونډه کې استاد خليلي څو اړخيز شاعر وباله او ويې ويل چې هغه تل دخلکو په خدمت کې و .
ډاکتر رهين وويل چې استادخليلي دهغو شاعرانو له جملې څخه دى چې دفارسي دري زوړ شعر يې دننني نسل په خدمت کې کارولى دى .
داطلاعاتو او فرهنګ دوزير دڅرګندونوله مخې استاد خليل الله خليلي په خپل ژوندکې په هيواد کې او هم له هيواد څخه بهر له خپلو خلکو څخه لرې نه و .
په دې غونډه کې دبلخ والي عطا محمد نور داستاد خليل الله خليلي مشر زوى او په اسپانيا کې دافغانستان سفير مسعود خليلي هم داستاد داثارو او انديښو په باب خبرې وکړې .
ددغې غونډې په پاى کې يو شمير شاعرانو خپل شعرونه چې داستاد خليل الله خليلي په ستاينه کې ويلي و ، ولوستل .
