کابل باختر دکب ديارلسمه :
په تيرو څلور ويشتو ساعتو کې يوسلو نهه څلويښت تنه ډار اچوونکي دهېواد دپوځيانو په عملياتو کې ووژل شول .
دملي دفاع وزارت مطبوعاتي دفتر نن باختراژانس ته خبرورکړ دغه عمليات چې دلغمان ، ننګرهار ،کاپيسا ، لوګر ، فراه ، تخار ،بغلان او دهلمند دولايتونوپه ناامنو سيموکې ترسره شول ددښمن دڅلورو تنو قوماندانانو په ګډون يوسلو نهه څلويښت تنه ډار اچوونکي ووژل شول او درې اويا تنه نور ټپيان شول ، دوه تنه نور يې دملي دفاعي او امنيتي ځواکونوله خوا نيول شوي دي .
په دغو عملياتو کې د ډار اچونکو په ځپلو کې له ځواکونو سره دهېواد دتوپچي او هوايي قوتونو ملاتړ هم و .
دغه راز ددښمن يوه اندازه جنګي وسايل او ليږدونکي واسطې هم په دغو عملياتو کې ويجاړ شوي دي او يوه اندازه ماينونه هم کشف او شنډ کړى شوي دي .
