خبرونهاقتصادTOPټولنه

څه د پاسه ۶۲ ټنه بې کیفیته تېل بېرته ازبکستان ته مسترد شول

کابل، د مرغومې ۲۶مه، باختر 

د بلخ ولایت ځايي چارواکو په حیرتان بندر کې ازبکستان هېواد ته د یوه واګون بې کیفیته پټرولو د بېرته مسترد کولو خبر ورکړی دی.

د یاد ولایت د نورم او سټنډرډ امر مولوي یحی نعماني باختر اژانس ته وویل چې یو واګون پټرول، چې مجموعي وزن یې ۶۲ ټنه ۵۰۵ کیلو ګرامه ته رسېږي، څو ورځې وړاندې د حیرتان بندر له لارې هېواد ته را وارد کړی شوي وو، چې تر لابراتواري کتنو وروسته یې بې کیفته ثابت شول.

د نوموړي په خبره د پټرولو یاد واګون نن بېرته ازبکستان هېواد ته ور وګرځول شو. 

د یادونې وړ ده، چې د سټنډرډ ملي ادارې له لوري په وروستیو څو میاشتو کې سلګونه ټانکره بې کیفیته نفتي توکي بېرته اړوندو هېوادونو ته ورګرځول شوي دي.

نور ښکاره کړئ

اړونده مقالې

بیرته پورته تڼۍ ته