کابل باختردثوردمياشتې ١٩ :
څه دپاسه سل کورنۍ په باميانو کې د يوه غره داحتمالي ښوئيدو له امله پرون له
دخپلو کورونو پريښودو ته اړې شوې دي .
دغو کورنيو کله چې يې وليدل د باميانو ښار په فولادي دره کې ددوي په کورونو دغره د ښوئيدو نښې نښانې شته ، دښتو او څمڅو ته وتښيدل .
ديوې کورنۍ غړى غلام حسين دباخترآژانس خبريال ته وويل : موږ وليدل چې دغره يوې برخې په ښوئيدو پيل کړى دى او له ويرې مو خپل کورونه پريښودل او دغوڅمڅو ته راغلو.
د فولادي درې د پاسه يو غر موقعيت لري چې ددغه غره د لمنې اوسيدونکې
چې خپل کورونه يې خوشي کړي دي وايي چې دغه غر به ډير ژر وښوئيږي .
دغه کورنۍ چې دخپلو کورونو پريښودو ته اړې شوې له دولت څخه غواړي چې
له دوي سره د سرپناه ، جامو ، خوراکي توکو او د درملو مرسته وکړي .
په افغانستان کې دبدخشان له پيښې وروسته د غره د ښوئيدو ويره زياته شوې ده .
دبدخشان ولايت د ارګو ولسوالۍ په آب باريک سيمه کې ديوې غونډۍ دښوئيدو
په پيښه کې دسيمې په سلګونو تنه اوسيدونکي تر خارو لاندې شول.
