څلور طالبان په بغلان کې ووژل شول
کابل / د غبرګولي ٩ مه / باختر
څلور وسله وال طالبان پرون له غرمې وروسته د بغلان په نهرين ولسوالۍ کې ووژل شول.
د ٢١٧ پاميرقول اردو مطبوعاتي دفتر باخترآژانس ته خبر ورکړ؛ دغه وسله وال طالبان هغه وخت ووژل شول چې د نهرين ولسوالۍ په مربوطاتو کې د امنيتي ځواکونو پر پوستو بريدونه وکړل.
په خبرپاڼه کې ويل شوي دي په دغو بريدونو کې شپږ نور وسله وال طالبان ټپيان او د هغوي یو شمېر جنګي وسايل له منځه يوړل شول.
پاى \ اشرفي \
