کابل باختر د لړم لسمه :
دسرپل پوليسو پرون څلور تنه ماشومان په دغه ولايت کې دانسان تښتوونکو له منګولو څخه وژغورل .
دسرپل ولايت دامنيې قوماندانۍ وياند علي اکبر اندرابي دباختراژانس خبريال ته وويل دانسان قاچاق وړونکو څلور تنه ماشومان دبلخاب ولسوالۍ له مربوطاتو څخه تښتولي و خو امنيتي ځواکونو پرون له غرمې مخکې دسرپل ولايت په لاره کې هغوى وژغورل .
اندرابي زياته کړه انسان تښتوونکي تښتيدلي دي او دهغوى دنيولو لپاره پلټنې دوام لري .
ددغو ماشومانو کورنيو له دولت څخه غوښتي دي چې ددغې پيښې عاملين ونيسي اومجازات کړي .
