څلورتنه وسله وال ياغيان په لغمان کې ووژل شول
کابل باختر د تلې ٤
څلورتنه وسله وال مخالفين پرون په لغمان ولايت کې له سيمه ييزو پوليسو سره په نښته کې ووژل شول.
دشمشاد د ٢٠٢ ساحوي زون دقوماندانۍ مطبوعاتي دفتر باختر آژانس ته خبر ورکړ.
دلغمان ولايت دعلينګار ولسوالۍ يو شمير سيمه ييزو پوليسو چې ددغه ولايت مرکزته روان وو په لاره کې دمخالفينو له کمين سره مخامخ شول چې له وسله والې نښتې وروسته څلورتنه وسله وال مخالفين ووژل شول او دوه تنه نوريې ټپيان شول.
دخبرځاى دڅرګندونو له مخې په دې نښته کې څلورتنه سيمه ييز پوليس شهيدان او دوه تنه نوريې ټپيان شول.
