پوهاند محمد رسول باوري: د پټې خزانې کتاب د تاليف درې سوه يم سمينار بايد په پرتمين ډول ترسره شي
کابل/باختر/ د غبرګولي دمياشتې ۸ مه
د اطلاعاتو او فرهنګ وزارت د فرهنګ او هنر د معين پوهاند محمد رسول باوري په مشرۍ، نن د پټې خزانې کتاب د تاليف د ۳۰۰ يم کال د نمانځنې د نړيوال سمينار د ترسره کولو کميسيون غونډه جوړه شوه .
د باختر آژانس د خبرله مخې: په دې غونډه کې د لازمو تياريو په ځانګړې توګه د سمينار د ترسره کولو د وخت او ځاى، د هېواد په دننه او له بهر څخه د ميلمنو د بلنې د څرنګوالي، د هغو آثارو د انتخاب چې د سمينار په مناسبت چاپيږي او دغه راز له جرمني هېواد څخه کابل ته د «اسرالافاغنه» کتاب د کاپي د انتقال په اړوند بحث وشو.
دغه راز په دې غونډه کې د کميسيون غړو د يادو مواردو په اړوند خپل نظريات او پيشهادونه هم وړاندې کړل.
دغه راز پوهاند باوري ټينګار وکړ چې د پټې خزانې کتاب د تاليف درې سوه يم سمينار بايد په پرتمين ډول ونمانځل شي .
پاې ذکرالله
