ګردیز باختر د زمري ۱۶ مه
د پکتیا ولایت د ګردیز ښار په غازي ببرک خان عالي لېسه کې د پوهنې وزارت له لوري د ۴۶ مېلیونو افغانیو په لګښت د یوې لیلې د بنسټ ډبره کېښودل شوه.
د دغه ولایت د پوهنې رېیس کوچي ځاځي د باختر اژانس سیمه یېز خبریال ته وویل چې؛دغه لیلیله په څلورو پوړونو کې جوړيږي چې ۷۶ خونې به ولري او د ۲۸۶ زده کوونکو د اوسیدلو ظرفیت به ولري.
په همدې حال کې د پکتیا والي شمېم خان کټوازي د دغې ودانۍ جوړېدل د هغو زده کوونکو لپاره ګټور وبلل په کومو سیمو کې چې د بېلابېلو لاملونو له امله زده کوونکي نه شي کولای چې خپلو زده کړو ته دوام ورکړي.پای/وصال
