کابل باخترسلواغې دمياشتې ٣ :
دکونړولايت د امنيې قوماندانۍ پوليسو تېره شپه د عملياتو په بهيرکې چې ددغه ولايت د ناړي شيګل ولسواليو په مربوطات کې ترسره شول، يوه اندازه مهمات ترلاسه کړل.
دشمشاد د٢٠٢ ساحوي زون دقوماندانۍ مطبوعاتي دفترباختراژانس ته خبرورکړ چې په ترلاسه شويو مهماتو کې يو توغندي ويشتوونکي ، د توغندي اتلس ماينونه، دتوغندي اووه پټاقۍ او د پيکا درې سوه ګولۍ شته.
دغه مهمات د وسله والو مخالفينو له خوا د ورانکارو او تروريستي فعاليتونو دترسره کولو په مقصد د دغو ولسواليو په مربوطاتو کې ځا ى پرځاى کړاى شوي وو.
