کابل باختر دغويي دمياشتې ١٤نېټه:
په کونړ ولايت کې ٧ تنه ډار اچوونکي له پوځيانو سره په نښته کې ووژل شول.
دغه ډار اچوونکي تېره شپه په دانګام ولسوالۍ کې د پوځيانو په ډلې له بريد وروسته ووژل شول .
د هېواد په ختيځ کې د ملي اردو يوه جګپوړي قوماندان باختراژانس ته وويل چې؛ د ملي اردو د پوځيانو په دغه بريد کې ٧ تنه ډار اچوونکي ووژل شول. ده وويل: په دغو وسله والو طالبانو په داسې حال کې چې ديولړ ډار اچوونکو بريدونو په پلان جوړولو بوخت و ، بريد وشو.
په يوبل خبر کې ويل شوي دي چې؛ په کونړ ولايت کې ديولړ چاودنو مخه ونيول شوه .
امنيتي مامورانو پرون سهار د دغه ولايت په ګڼ ميشتو لارو کې درې ماينونه کشف او شنډ کړل .
دوى وايي داعشيانو او طالبانو غوښتل د دغو ماينونو په ښخولو سره ملکي وګړي ووژني خو بريالي نه شول. پاى ذکرالله
