کابل، د لېندۍ ۳۰مه، باختر
د کندز ولایت د بدني روزنې او سپورټ ریاست، د کورش فدراسیون او د قلعهزال ولسوالۍ ورزشي کمېټې له لوري د دې ولسوالۍ په ینګی آرق سیمه کې د غېږنیونې سیالۍ ترسره شوې.
دغه سیالۍ د ولسوالۍ په کچه د درېیم پړاو منتخبو سیالیو لپاره د پنځو کلبونو ترمنځ په ۴۵ ، ۵۵ ، ۶۶ ، ۷۳،۸۱ ،۹۰، ۱۰۰ وزنو کې د ١٢٠ تنو غېږ نیونکو ترمنځ د غوره لوبغاړو د موندلو په موخه ترسره شوې چې ٢٤ لوبغاړو په کې د ولسوالی په کچه منتخب لوبغاړي وټاکل شول.
په دې سیالیو کې د بدني روزنې او سپورټ رییس قاري عزت الله سينان، د کورش فدراسیون مسؤل محمد انورجي، د یادې ولسوالۍ مسولینو او زرګونو کسانو ګډون کړی و.
پای کې په غوره لوبغاړو باندې ستاینلیکونه، کپ او نقدي جایزې د تشویق په موخه ووېشل شوې.
