په کندز ښارکې دلسګونو لنډغرو ځوانانو نيول کيدل.

کابل – باختر د ثور دمياشتې ١٩
په لسګونو تنه لنډغړ ځوانان دامنيتي ځواکونو له خوا  ونيول شول.
ويل کيږي چې دغو ځوانانو دنجونو دښوونځيو په وړاندې اوګڼ ميشتو لارو کې
په راټوليدو سره د نجونو په ځورونې لاس  پورې کاوه .
دکندز دامنيې قوماندانۍ ويندوى  سيد سرور حسيني دباختر آژانس خبريال ته وويل ، امنيتي ځواکونو دځانګړو عملياتو په بهير څه ناڅه څلويښت تنه لنډه غر ځوانان نيولي دي او له هغوي څخه دضمانت له اخستلو او د هغوي د سرونو  له خريلو وروسته کورنيو ته يې  وسپارل .
دکندز د پوليسو د ويندوى دڅرګندونو له مخې : دغه اقدام دکورنيو او دښوونځيو  او پوهنتونونو دنجونو له شکايت وروسته ترسره شوى دى  .
په   همدې حال کې امنيتي مسوولين وايي   چې د نجونو   د  ټولنيز او   تعليمي خونديتوب د ګډو ډولودعواملو دمخنيوي لپاره يې ځانګړى تدبيرونه نيولي دي.