اقتصاد

په کافي اندازه داړتيا وړ نفتي توکي هيواد ته وارديږي .

کابل باختر د مرغومي  درې ويشتمه :
دسوداګرۍ اوصنايعو وزارت وياند  له ايران څخه  افغانستان ته دنفتي  توکو دواردولو ځنډيدل  رد کړل خو ويې ويل  چې  يوازې  دبې کيفته  ديزل تيلو واردول منع شوي دي .
  دنيمروز  ولايت دګمرک رييس په دې وروستيو وختو کې  رسنيو ته ويلي دي   چې  دنوي مالي کال له پيل څخه له ايران څخه  دنفتي  توکو واردات  دهغو دکيفيت دنه معياري والي په خاطر  دافغانستان ددولت له خوا  ځنډول شوي دي .
خو دسوداګرۍ او صنايعو وزارت وياند  مسافر قوقندي  نن دباختراژانس خبريال ته وويل : دوزيرانو شورا  له هغې پريکړې سره سم  چې نږدې  څلور مياشتې مخکې  شوې ده  دبې کيفته او غير معياري  ديزل تيلو واردات  منع شوى دى .
  قو قندي څرګنده کړه دټولو کمرکاتو  مسوولينو ته لارښوونه شوې ده  چې دصفر _ ٥ ديزل تيلو دوارداتو  مخه ونيسي .
په کيفيت سره  او معياري  پطرول او ديزل تيل هره ورځ  هيوادته وارديږي.
دنيمروز ولايت دګمرک رييس ويس سلطاني  رسنيو ته ويلي دي  دوزيرانو شورا  له پريکړې سره سم  تر هغه وخته پورې چې  ايران په نفتي توکو کې  معيار په پام کې ونه نيسي  افغانستان ته  دهغودوارداتو  اجازه  نه ورکول کيږي . 

نور ښکاره کړئ

اړونده مقالې

بیرته پورته تڼۍ ته