په پکتیکا کې ۸ طالبان ووژل شول
کابل/ د چنګاښ ۸ مه / باختر
د پکتیکا امنیتي مسوولین وايي چې د دغه ولایت په سروبي ولسوالۍ کې له افغان ځواکونو سره په نښته کې ۸ طالبان وژل شوي دي.
د امنیې قومندانۍ ویاند شاه محمد آرین وايي چې تېره شپه افغان ځواکونو په سروبي ولسوالۍ کې پر وسله والو طالبانو غلچکی برید کړی دی.
سرچینه زیاتوي چې به برید کې ۸ وسله وال طالبان وژل شوي او ۴ نور یې ټپيان شوي دي.
طالبانو په دې اړه څه نه دي ویلي.
وصال
