په پکتیکا کې ۳۴ تنو طالبانو ته مرګ ژوبله واوښته
ښرنه/ باختر/ د غبرګولي د میاشتې ۵ مه
د پکتیکا ولایت د برمل او ګیان ولسوالیو په بېلابېلو سیموکې ۲۶ تنه وسله وال طالبان وژل شوي او ۸ تنه نور یې ټپیان شوي دي.
ځايي چارواکي وايي چې دغه وسله وال طالبان د ځانګړو ځواکونو له لوري د ترسره شویو عملیاتو په ترڅ کې وژل شوي دي.
د پکتیکا د امنیې قوماندانۍ ویاند شاه محمد آرین د باختر اژانس سیمه ېیز خبریال ته وویل چې یاد عملیات تېره شپه د برمل او ګیان ولسوالیو په بېلابېلو سیمو کې ترسره شوي دي.
سرچینه زیاتوي چې په ترسره شویو عملیاتو کې پنځه تنه نور له وسله والو مخالفانو سره د اړیکو په تور هم نیول شوي چې دا مهال تر پوښتنو لاندې دي.
ویل کېږي په دغو عملیاتو کې افغان ځواکونو او ملکي وګړو ته زیان نه دی اوښتی.
پای/وصال
