په پکتیکا کې د ماین چاودنې دوه تنه ماشومان ټپيان کړل
ښرنه/ باختر/ د غبرګولي د میاشتې ۴ مه
د پکتیکا ولایت د ګومل ولسوالۍ په خنګلي سیمه کې پرون ناوخته د ماین د چاودنې له امله دوه تنه ماشومان ټپيان شول.
ځايي چارواکي وايي چې دغه ماین د وسله والو طالبانو له لوري د سړک پر غاړه ځای پر ځای شوی و.
د پکتیکا د امنیې قوماندانۍ ویاند شاه محمد آرین د باختر اژانس سیمه ېیز خبریال ته ویلي چې ټپي شوي ماشومان روغتون ته لېږدول شوي او دا مهال تر درملنې لاندې دي.
پای/وصال
