په پکتيکا کې د عملياتو پيل
کابل باخترد ثور دمياشتې ٢ :
په پکتيکا ولايت کې له ځانمرګى خونړۍ بريدڅخه يوه ورځ وروسته افغان ځواکونو ددغه تروريستي بريد د عاملينو د نيولو لپاره عمليات پيل کړي دي.
پرون د غرمې په شاوخواکې يوځانمرګى يرغلګر د جاني خيلو په بازارکې ځان وچاوه .
په دې پيښه کې د جاني خيلو د پخوانى ولسوال په ګډون، درې تنه ملکي وګړي شهيدان او د دوو تنو پوځيانو او پنځو تنوملکي وګړو په ګډون اووه تنه نور ټپيان شول.
سيمه ييزو مقاماتو وسله وال طالبان ددغه خونړۍ بريدمسوول بولي.
په همدې حال کې د پکتيکا د والي ويندوى مخلص افغان باخترآژانس ته وويل چې پوځي مامورينو ددغه تروريستي بريد د عاملينو د نيولو لپاره عمليات پيل کړي دي.
ويل کيږي چې دغه عمليات د جاني خيلو د بازار په شاوخوا سيمو کې پيل شوي دي.
