په پکتيا کې څلور تنه د يو کان د غیرقانوني ايستلو په تړاو ونيول شول
کابل / د مرغومي ١٩مه / باختر
په پکتيا کې په غيرقانوني ډول د يو کان د ايستلو په اړوند څلور کسان ونيول شول.
د پکتيا د امنيې قوماندانۍ وياند شاه محمد آرين باختر آژانس ته وويل چې دغه څلور کسان د دغه ولايت د يوسف خېلو ولسوالۍ په مربوطاتو کې په غيرقانوني ډول د ډبرو سکرو په ايستلو بوخت و چې ونيول شول.
هغه وويل چې له یادو کسانو څخه يو موټر او هغه وسايل چې د کان په ايستلو کې ترې استفاده کېږي، ضبط کړي دي.
پاى \ ذ
