کابل باختر د ثورپنځلسمه :
يو پاکستاني تبعه له لسګونو ميلو وسلو او څه د پاسه يوسلو شپيتو صندوقو ګوليو سره په پکتيا کې ونيول شو .
دغه پاکستاني تبعه چې په پکتيا ولايت کې طالبانو ته د وسلو او مهماتو د لېږدولو مسووليت په غاړه درلود پرون په دغه ولايت کې د ملي امنيت د ځواکونو له خوا ونيول شو .
د پکتيا د ملي امنيت يوه مسوول د باختراژانس خبريال ته وويل چې؛ له دغه سړي څخه يو سلو لس ميله کلاشينکوفونه ، نهه شپيته ډول ډول تومانچې درې ميله سنايپر او د سپکو وسلو يو سلو اته شپيته صندوقه ګولې له يوه ډينا موټر سره ترلاسه شوي دي . ختم_ سعيده _ اکرم
