دپکتيا ولايت امنيتي مسوولينو تيره شپه درې تنه دتروريستي بريدونو په تور ونيول .
دغه چارواکي وايي دغه درې تنه تيره شپه دافغان ځواکونو دعملياتو په بهير کې دپکتيا ولايت دسيد کرم ولسوالۍ د عثمان خيلو له سيمې څخه له يوې اندازې وسلو سره ونيول شول .
د ٢٠٣ تندر قول اردو ويندوى دګروال ساعت ګل هوټک دباختر اطلاعاتي اژانس ته وويل، په دغو عملياتو کې افغان ځواکونو اوملکي وګړو ته کوم زيان نه دى رسيدلى .
ويل کيږي نيول شوي افراد چې نومونه يې نه دي اخستل شوي په پکتيا ولايت کې په څو تروريستي پيښو کې لاس درلود .
