په پروان کې يو تن له نشه يي توکو سره ونيول شو
کابل / د چنګاښ ۱۷مه / باختر
د پروان پوليسو پرون يو تن له ١٧کيلوګرامو نشه يي توکو سره ونيو.
د پروان د امنيې قومندانۍ مطبوعاتي دفتر باختر آژانس ته د يوې خپرپاڼې په استولو سره ویلي دي چې د پروان د سالنګ ولسوالۍ د امنيې قومندانۍ له نشه يي توکو سره د مبارزې منسوبينو دغه سړى له۱۰ کيلوګرمه اپينو او ٧ کيلوګرامه چرسو سره د پلتڼې په يوه پوسته کې ونيو.
د يو بل خبر له مخې:
د پروان پوليسو يو تن د طالبانو په ډله کې د غړيتوب په تور له يوې تومانچې او د کابل بانک او ماين پاکۍ موسسې له ۱۶هويت کارتونو سره ونيو.
ختم-ج-ا
