په پاکستان کې يوشمير ديني مدرسې وتړلې شوې .
اسلام اباد باخترد مرغومي شپږ ويشتمه :
پاکستان يوشمير ديني مدرسې تړلې دي .
دباختراژانس د خبر له مخې: پاکستاني مقاماتو پرون وويل ،ددغو ديني مدرسو چارې دجيش محمد دتند لارې ډلې له خوا چې فعاليت يي په پاکستان کې منع کړى شوي دي پرمخ بيولې کيدې .
دوى دغه راز وويل چې داسکه ښارته څيرمه په يوه جومات او مدرسې دپوليسو په بريد کې څه ناڅه لس تنه ونيول شول .
دروانې اوونۍ له نيولو وروسته ددغې ډلې ديومشر مولانا مسعود ازهر په ګډون دجيش محمد د ډلې يوشمير غړي ونيول شول .
هندي مقامات وايي چې دجيش محمد دډلې جګړه مارانو دپاکستان پولې ته څيرمه دهند دپټانکوټ په هوايي ډګر دجنوري دمياشتې ددويمې نيټې په بريدونوکې لاس درلود .
په دې بريد کې اووه تنه هندي عسکر وژل شوي و .
هندي مقاماتو له دغه بريد وروسته له پاکستاني مقاماتوسره خبرې چې ټاکل شوې وه پرون ترسره شي وځنډولې .
اسلام اباد وايي چې په پنجاب ايالت کې دمولانا ازهر د ډلې پرخلاف اقداماتو ته دوام ورکوي .
