کابل باختر د غبرګولي درې ويشتمه :
دسمنګانو ولايت دکوزدره صوف په ولسوالۍ کې دپوليسو په امنيتي پوستو دطالبانو په وسله وال بريد کې دپوليسو درې تنه سرتيري ووژل شول .
دسمنګانو ولايت دامنيې قوماندانۍ دمطبوعاتو مسوول دويم څارن منير رحيمي دباختراژانس خبريال ته وويل :دغه سرتيري هغه وخت شهيدان شول چې ددغې پوستې يوه سرتيري دطالبانو له ډلې سره اړيکې ونيولې او پوسته يې هغوى ته وسپارله .
ده وويل چې ددغې توطيې له امله طالبانو اووه ميله وسله چې دوه کلاشينکوفونه ، درې څلويښت ډزى ، يوه پيکا ماشينګڼه اويوتوغندى ويشتوونکى له ځان سره وړي دي .
له بلې خوا دکوز دره صوف ولسوالۍ امنيه قوماندان دويم څارن عبدالله ظفري وويل :دغه سرتيرى چې دطالبانو له ډلې سره يې اړيکې لرلې دغې ولسوالۍ د مقصود دکلي اوسيدونکى دى او دغه کلى دطالبانو ترواکمنۍ لاندې دى .
دده دڅرګندونوله مخې :ددغو سرتيرو دوو تنو ضمانت کړى و چې له پيښې وروسته يو تضمين کوونکى نيول شوى دى .
