کابل باختر د ثورپنځلسمه
په هلمند ولايت کې د وسله والو طالبانو په سنګرونو د هېواد د هوايي پوځ مرګاني بريدونه دوام لري .
په نويو بريدونوکې اته تنه وسله وال طالبان ووژل شول .
په دغو طالبانو تېره شپه په داسې حال کې چې؛ د يو لړ ډار اچوونکو بريدونو په پلان جوړولو بوخت وو،دلښکرګاه ښار په مربوطاتو کې بريد وشو.
د هېواد په جنوب کې د ملي اردو يوه جګپوړي قوماندان باختراژانس ته وويل چې؛ د هېواد د هوايي پوځ په دغو بريدونوکې ٨ تنه وسله وال طالبان ووژل شول
سرچينه زياتوي چې، په ترسره شويو بريدونو کې د طالبانو څو مرکزونه هم دړې وړې شوي دي .
په يوبل خبر کې ويل شوي دي چې؛ پوځيانو د هلمند ولايت د مرکز لښکرګاه ښار ته څېرمه د وسله والو طالبانو د جنګي وسايلو د دوو ډيپوګانو په کشفولو بريالي شوي دي .
دغه ډيپوګان دلښکرګاه ښار ته څېرمه د طالبانو له پټنځي څخه کشف شوي دي.
د هلمند يو امنيتي مقام وايي چې؛ له دغه ډيپوګانو څخه يوه اندازه سپک او درانده جنګي وسايل هم ترلاسه شوي دي .
په يوبل خبر کې ويل شوي دي چې؛ پوځيانو په هلمند کې د طالبانو د يولړ چاودنو طرحه ناکامه کړه .
امنيتي مامورانو نن سهار د هلمند ولايت د لښکرګاه ښار ته څېرمه او د ناد علي ولسوالۍ په مربوطاتو کې درې ماينونه کشف اوشنډ کړل .
د رارسيدلو خبرونو له مخې؛ دغه ماينونه د طالبانو له خوا په ګڼ ميشتو لارو کې ځاى پرځاى کړى شوي و . ختم_ ج -اکرم
