په هرات کې ۲۷ طالبانو ته مرګ ژوبله واوښته
کابل / د چنګاښ ۹مه / باختر
شل وسله وال طالبان د هرات په ګلران ولسوالۍ کې ووژل شول.
د هرات د والي مطبوعاتي دفتر باختر آژانس ته خبر ورکړ چې دغه وسله وال طالبان د ګلران ولسوالۍ په مربوطاتو کې د افغان ځواکونو په بريدونو کې ووژل شول.
خبرځاى زياته کړه چې په دغو بريدونو کې ٧ نور وسله وال طالبان ټپيان شول او جنګي وسايل یې د امنيتي ځواکونو لاس ته ورغلل.
په همدې حال کې په دې ولسوالۍ کې لسګونه کلي د امنيتي او دفاعي ځواکونو په عملياتو کې د وسله والو طالبانو له شتون څخه پاک شوي دي.
ختم-ج-ا
