په هرات کې په يوه ترافيکي پېښه کې شپږ تنه ووژل شول
کابل/ د کب ٨مه / باختر
د هرات – تورغنډۍ پر لویې لارې نن سهار په يوه ترافيکي پېښه کې ٦ تنه مړه او ۵ نور ټپیان شوي دي.
د هرات د ترافيکو يوه مسوول باخترآژانس ته وويل چې دغه پېښه د يوه سراچه ډوله موټر او يوه بار وړونکي موټر د ټکر له امله رامنځته شوې ده.
نوموړي وويل د ترافيکي پېښو د څيړنې مديريت ټيم د پېښې ځاى ته رسېدلی او د پېښې په اړه يې پلټنې پيل کړې دي.
هغه د دې پېښې علت د دواړو موټرو زيات ګړندی تګ وباله او ويې ويل، ټپيان د درملنې په موخه روغتون ته لېږدول شوي دي.
\ ذ
