په هرات کې د ښوونځيو په وړاندې د غير روغتيايي خوراکي توکو د پلورلو منع کېدل .
کابل باختر دوري دولسمه :
د هرات ولايت د عامې روغتيا رياست د تودې هوا په فصل کې د ناروغيو د خپريدو د مخنيوي په مقصد د ښوونځيو د دروازو سره د غير روغتيايي خوراکي توکو پيرودل او پلورل منع کړي دي .
دغه رياست اعلام کړى دى چې په سرخلاصي توګه په خوراکي توکو او د څښاک د اوبو پلورل چې له خاورو ، دوړو او خزندو سره يوځاى دي د ښار په کچه او په تېره بيا د ښوونځيو په وړاندې جدي منع شوي دي .
د هرات د عامې روغتيا رياست دغه راز له کورنيو څخه غواړي تر څو د خپلو ماشومانو د غير روغتيايي خوراکي توکو د پېرودلو مخنيوي وکړي .
ختم_سعيده _ اکرم
