کابل باختر د کب دمياشتې ٧ :
د هرات ولايت د امنيې قوماندانۍ پوليسو د يوې وژنې مخه ونيوله .
يو تن چې غوښتل د خپلې وسلې په واسطه د هرات ولايت يو اوسيدونکى ووژني؛ د دغې قوماندانۍ له جنايي جرمونو سره د مبارزې د مديريت د منسوبينوله خوا ونيول شو.
د هرات ولايت د امنيې قوماندانۍ يو مقام باختر آژانس ته وويل: پوليسوله دغه سړي څخه يو روسي کلاشينکوف هم ترلاسه کړى دى .
نيول شوى سړى ترڅارنې لاندې دى او قضيه څيړل کيږي.
ديوبل خبر له مخې:
د هرات ولايت د غوريانو ولسوالۍ د امنيې قوماندانۍ پوليسو د يوې اندازې جعلي پيسو په کشفولو بريالي شوي دي.
دغه پيسې چې ١٢٠ زره افغانۍ او ٩٥زره ايراني تومانه دي؛ د غوريانو ولسوالۍ د امنيې قوماندانۍ د مسنوبينو په هلوځلو سره ترلاسه شوي دي.
د يادونې وړ ده چې د دغې پيښې په اړوند د هرات ولايت د تورغنډۍ ښارګوټي
يو تن د پوليسو له خوا نيول شوى او قضيه تر څيړنې لاندې ده.
