په هرات کې د جعل ، تزوير او دجعلي اسعارو درواجولوپه تور د دريو تنو نيول کيدل .

کابل باختر د وږي  نهه ويشتمه :
درې تنه په هرات کې دجعل ، تزوير  او دجعلي اسعارو درواجولو په تور ونيول شول .
  دغه کسان چې  دهرات ښار اوسيدونکي دي د هرات ولايت  دامنيې قوماندانۍ  داستخباراتو  مديريت  د کارکوونکو د اوپراتيفي کار په پايله کې له  څه دپاسه  څلور سوه  اويا زرو افغانيو جعلي  نوټونواو شپږ سوه  امريکايي ډالرو سره  ونيول شول .
  دهرات ولايت   يوې امنيتي سرچينې  باختراژانس ته وويل چې ددغو کسانو  دکورونو دلټونې په پايله کې  درې  لب تاپ کمپيوترونه ، دوه پرنترونه
يوه ديجتلي کمره  ، يو ويشت  سي دي ګانې ،  دموټرسايکل يو پليت ،  دملي اردو  يو جمپر ، پنځه بانکي تعرفې ، دپاسپورت  دوه عريضې او دهويت  يوه تذکره هم  دهرات ولايت دامنيې قوماندانۍ  داستخباراتو مديريت د پرسونل لاس ته ورغلي دي .
   مشکوک کسان  دزياتو څيړنو په غرض  تر څارنې لاندې دي .
  ختم_ ف _ اکرم

نور ښکاره کړئ

اړونده مقالې

بیرته پورته تڼۍ ته